Батыс Қазақстан облысы бойынша Тексеру комиссиясының мемлекеттік аудит объектілерінің 2025 жылға арналған тізбесіне сәйкес, 2025 жылғы Батыс Қазақстан облыстық бюджетінің шоғырландырылған қаржылық есептілігіне мемлекеттік аудит жүргізілді.
Аудит объектілері «Батыс Қазақстан облысының қаржы басқармасы» ММ, үстеме тексерулер объектілері - «БҚО білім басқармасы» ММ, «БҚО жұмыспен қамтуды үйлестіру және әлеуметтік бағдарламалар басқармасы» ММ, «БҚО құрылыс басқармасы» ММ.
Мемлекеттік аудит нәтижелері бойынша жалпы сомасы 26,110 млн.теңгеге Қазақстан Республикасы заңнамасының нормаларын бұзу анықталды, соның ішінде 26,086 млн. теңге қаржылық бұзушылықтар болып табылады, олардың 26,086 млн. теңге қалпына келтіруге жатады, бюджетке өтелуге 65,190 млн. теңге жатады, сондай-ақ 8 рәсімдік бұзушылық, оның ішінде қаржылық есептіліктің бұрмалануына әкеп соқтырған 23,780 млн, теңгеге 3 рәсімдік бұзушылық.
Аудит барысында және отырысқа дейін барлығы 0,514 млн. теңге өтелді, 133,39 млн теңге қалпына келтірілді.
Батыс Қазақстан облысы бойынша тексеру комиссиясы отырысының қорытындысы бойынша тиісті қаулы қабылданып, кінәлі лауазымды тұлғаларды жауапкершілікке тарту және бұдан әрі бұзушылықтарға жол бермеу, сондай-ақ оларға ықпал ететін себептерді, жағдайларды жою жөнінде нұсқамалар мен ұсынымдар жолданды.
Толық ақпаратпен Батыс Қазақстан облысы бойынша Тексеру комиссиясының сайтындағы "Комиссия қызметі –> аудиторлық қызмет" бөлімінде танысуға болады.